Աշխարհի տարբեր երկրներում գործող 2000 խանութ-սրահներին ավելացավ ևս մեկը: Այս անգամ` Երևանում, իսկ ավելի կոնկրետ` Աբովյան 26 հասցեում:
Ըստ` Մարգարիտա Եսոյանի
Հոկտեմբերի 26-ին տեղի ունեցավ Aldo կոշիկի ու աքսեսուարների բրենդային խանութի բացման հանդիսավոր արարողությունը:
Հրավիրված բազմաթիվ հյուրերի շարքում էր Հայաստանում Կանադայի պատվավոր հյուպատոս Արտաշես Էմինը: Ողջույնի խոսքով հանդես եկավ Aldo կանադական բրենդի ներկայացուցիչ Սիգիտա Կապացան:
Բացման արարողությանն առանձնահատուկ տրամադրություն էին հաղորդում արտերկրից ժամանած «Ագորա» ջազ-նվագախմբի կատարումները, յուրահատուկ հյուրասիրությունը, պայուսակներով ու կոշիկներով հագեցած ինտերիերը և անակնկալ խաղարկությունը, որի արդյունքում հաղթող ճանաչված մասնակիցներին հնարավորություն ընձեռվեց ինքնուրույն ընտրել իրենց նվերը` Aldo խանութ-սրահում ներկայացված տեսականուց:
Լուսանկարները ըստ Մանե Միրիջանյանի
